زوجة المرحوم مراد خازم من شفاعمرو تكتب:
متخايلتش يوم من الايام افتح الفيسبوك واشوف صور اغلى انسان ع قلبي منتشري .. كنا نتفرج عاخبار غيرنا نقول ” الله يرحمو فلان الله يشفي علان شو عم بصير بالدنيا” … الصور اسا صارت لمراد وتعليقات الرحمة لمراد !
مش قادرة اصدق الصدمة الي انا فيها .. وازا الاشي حقيقي او كزب !
مراد دخل حياتي من شي ٦ سنين من احلى سنين حياتي ..
راح مني بسرعه .. خفت كتير من هاد اليوم انو يتركني لحالي بهالحياة ..كنت اقلو ازا بصير عليك اشي انا بتدمر .. وللاسف اجى هاليوم وبسرعه كتير ..
تركني مع طفلين الي كان عليهن احن ابو بالعالم ..
تركني مع طفلة بعمر ٥٠ يوم !! ٥٠ يوم !!
طفل وطفلة انحرمو يكبرو مع اب
مراد كان انسان حنون ومع قلب كبير يساعد كل انسان يلتجئلو ..
كنت اسميه ” حلال المشاكل “..
مرادي كان عامود البيت وكان كل اشي بهالبيت تركني وراح وروحي راحت معاه ..
الله يرحمك يا روح الروح الله يجعلك من اهل الجنة يا رب
رحمه الله والهمكم الصبر والسلوان🤲🏻
